Mælanlegur árangur:
Hvað segja rannsóknir um HIFEM og konur?
95%
Bætt lífsgæði
kvenna sem upplifa umtalsverðan árangur
85%
Minni bindanotkun
eða hætta alveg að þurfa að nota lekabindi
93%
Bætt kynheilbrigði
meira næmi og aukinn vöðvastyrukur.
50%+
Færri salernisferðir á næturna
hjá meirihluta kvenna.
Heimildir: Berenholz, L., et al. (2020). Long-term follow-up on HIFEM-treated patients for stress urinary incontinence. Journal of Women's Health Care, 9(3).
Hlavinka, T. C., Turcan, P., & Bader, A. (2019). The use of HIFEM technology in the amelioration of pelvic floor muscles for the treatment of female sexual dysfunction. Journal of Women's Health Care, 8(4).
Samuels, J., Pezzella, A., Berenholz, L., & Alinsod, R. (2019). Safety and efficacy of a non-invasive high-intensity focused electromagnetic field (HIFEM) device for treatment of urinary incontinence and enhancement of quality of life. Lasers in Surgery and Medicine, 51(9), 760–766.
Grindarbotnsheilsa kvenna – styrkur, frammistaða og forvarnir
Grindarbotninn myndar neðsta hluta þess vöðvakerfis sem styður við miðju líkamans og gegnir mikilvægu hlutverki við að styðja við þvagblöðru, leg og endaþarm. Á ólíkum æviskeiðum getur reynt mikið á vöðva og bandvef grindarbotnsins, meðal annars við áreynslu í íþróttum, á meðgöngu og eftir fæðingu, sem og vegna hormónabreytinga á breytingaskeiðinu. Ef vöðvarnir og bandvefurinn teygjast eða veikjast getur styrkur, úthald og stuðningsgeta grindarbotnsins minnkað. Það getur haft áhrif á samspil grindarbotnsins við öndunarþindina og djúpa kvið- og bakvöðva og dregið úr getu hans til að bregðast við álagi í daglegu lífi.
Styrkur, úthald og sveigjanleiki grindarbotnsins hafa mikil áhrif á stjórn þvagblöðrunnar og geta dregið úr þvagleka við hnerra, hlátur, lyftingar og aðra áreynslu. Grindarbotninn veitir jafnframt grindarholslíffærunum mikilvægan stuðning og gegnir hlutverki í að fyrirbyggja og draga úr einkennum líffærasigs. Vöðvarnir skipta einnig máli fyrir kynheilbrigði kvenna, en gott blóðflæði og hæfileg vöðvaspenna, ásamt getu til að spenna vöðvana og slaka á þeim,hafa áhrif á næmi, tilfinningu og svörun við kynferðislegri örvun. Vel starfandi grindarbotn vinnur með djúpum kvið- og bakvöðvum og getur stuðlað að betri líkamsbeitingu og stöðugleika við hreyfingu.
Með því að leggja áherslu á forvarnir og markvissa þjálfun geta konur stuðlað að betri stjórn og virkni grindarbotnsins til lengri tíma. Hvort sem markmiðið er að endurheimta styrk og stöðugleika eftir fæðingu, draga úr áhrifum aldurstengdra breytinga á vöðva og bandvef eða stunda íþróttir án óþæginda, er vel starfandi grindarbotn mikilvægur þáttur í líkamlegri vellíðan. Forvarnir snúast ekki aðeins um að bregðast við einkennum þegar þau koma fram, heldur einnig um að viðhalda styrk, úthaldi og sveigjanleika grindarbotnsins á öllum æviskeiðum.
Virkjaðu styrkinn þinn
Bættu lífsgæðin þín með plani frá okkur
Árangur, rannsóknir og mælanleg lífsgæði
Rannsóknir benda til þess að HIFEM-þjálfun geti dregið úr einkennum þvagleka og bætt lífsgæði hjá konum með áreynslu-, bráða- eða blandaðan þvagleka. Þátttakendur í rannsóknum hafa meðal annars greint frá færri lekavandamálum, minni þörf fyrir innlegg og betri stjórn á þvagblöðrunni. Slíkur árangur getur aukið öryggi í daglegu lífi og auðveldað konum að stunda hreyfingu og tómstundir.
Auk betri blöðrustjórnunar sýna gögn að þjálfunin hefur mikil áhrif á endurheimt og kynheilbrigði kvenna. Tæplega 85% kvenna fækka notkun á bindum eða hætta alveg að nota þau eftir meðferðarlotu. Þá greina allt að 93% kvenna frá aukinni kynánægju, betra næmi og meiri vöðvastjórn við samfarir, sem rekja má til aukins blóðflæðis og betri vöðvaspennu á svæðinu. Samhliða þessu minnkar þörfin á næturferðum á salernið hjá flestum, sem tryggir ótruflaðan og dýpri nætursvefn.
Þessar niðurstöður sýna að HIFEM-þjálfun er lofandi kostur fyrir konur sem vilja styrkja grindarbotninn án lyfja eða skurðaðgerðar. Í hverju skipti örvar tækið vöðvana til margra þúsunda öflugra samdrátta og veitir þannig mikla og markvissa þjálfun á stuttum tíma. Þjálfunin getur hjálpað konum að bæta stjórn á grindarbotninum, draga úr óþægindum og njóta daglegs lífs með færri takmörkunum – á öllum æviskeiðum.