Persónuverndarstefna

Persónuverndarstefna
Partera ehf. · kt. 620921-0250 
Suðurgata 41, 220 Hafnarfjörður

Síðast uppfært: 28. ágúst 2026
 
1. Inngangur og ábyrgðaraðili
Partera ehf. („Partera“, „við“ eða „okkar“), kt. 620921-0250, Suðurgötu 41, 220 Hafnarfirði, rekur grindarbotnsþjálfunarstöð og vefsíðuna www.partera.is.
Partera ber ábyrgð á vinnslu persónuupplýsinga sem fram fer í tengslum við starfsemi félagsins og telst ábyrgðaraðili í skilningi laga nr. 90/2018 um persónuvernd og vinnslu persónuupplýsinga og reglugerðar Evrópuþingsins og ráðsins (ESB) 2016/679, almennt nefnd GDPR. 
 
Persónuverndarstefna þessi útskýrir:

• hvaða persónuupplýsingum við söfnum,

• hvers vegna við vinnum upplýsingarnar,

• á hvaða lagagrundvelli vinnslan byggist,

• hvaða þjónustuaðilar kunna að vinna upplýsingarnar fyrir okkar hönd,

• hversu lengi upplýsingarnar eru varðveittar,

• hvaða réttindi þú hefur vegna vinnslunnar.
   

Hafir þú spurningar um vinnslu persónuupplýsinga hjá Partera getur þú haft samband við okkur á partera@partera.is.
 
2. Hvaða persónuupplýsingum söfnum við
 Við söfnum eftirfarandi flokkum persónuupplýsinga eftir því sem við á hverju sinni:

• Auðkennis- og samskiptaupplýsingar: Nafn, netfang, símanúmer og, ef þess er krafist við kaup eða greiðslu, kennitala.

• Bókunar- og þjónustuupplýsingar: Upplýsingar um bókaða tíma, breytingar og afbókanir, mætingu, keypt kort eða pakka og samskipti vegna þjónustunnar.

• Greiðslu- og viðskiptaupplýsingar: Upplýsingar um kaup, fjárhæð, dagsetningu greiðslu og greiðslustöðu. Greiðsluþjónustuveitandi annast vinnslu kortaupplýsinga og Partera varðveitir ekki fullar greiðslukortaupplýsingar.

• Aðgangsupplýsingar: Tímabundinn og einstaklingsbundinn hurðarkóði sem tengdur er við viðkomandi bókun, ásamt tæknilegum upplýsingum um stofnun og gildistíma kóðans og, eftir því sem við á, notkun hans.

• Heilsutengdar upplýsingar: Svör eða staðfestingar sem þú veitir um frábendingar, öryggisatriði, einkenni, markmið eða önnur heilsutengd atriði sem kunna að skipta máli fyrir öryggi og framkvæmd þjálfunarinnar.

• Samskiptaupplýsingar: Upplýsingar sem þú veitir þegar þú hefur samband við okkur með tölvupósti, samskiptaformi, síma eða öðrum samskiptaleiðum.

• Tæknilegar upplýsingar: IP-tala, upplýsingar um tæki og vafra, notkun vefsíðunnar, vafrakökur og sambærilegar tæknilegar upplýsingar sem verða til við heimsókn á www.partera.is.

Við söfnum ekki fleiri persónuupplýsingum en nauðsynlegt er miðað við tilgang vinnslunnar. Við biðjum viðskiptavini jafnframt um að veita ekki ítarlegri heilsufarsupplýsingar en þörf er á vegna öryggis og framkvæmdar þjálfunarinnar.
 
3. Í hvaða tilgangi vinnum við persónuupplýsingar
 Við vinnum persónuupplýsingar í eftirfarandi tilgangi:

• Til að taka á móti, staðfesta og halda utan um bókanir.

• Til að gera viðskiptavinum kleift að kaupa og nýta þjálfunarkort eða pakka.

• Til að taka við greiðslum og uppfylla bókhalds- og skattaskyldur.

• Til að senda bókunarstaðfestingar, áminningar og aðrar nauðsynlegar upplýsingar um bókaða þjónustu.

• Til að útbúa og senda tímabundinn og einstaklingsbundinn aðgangskóða fyrir bókaðan tíma.

• Til að tryggja öryggi húsnæðis, aðgangskerfis og búnaðar.

• Til að fara yfir frábendingar og önnur öryggisatriði áður en þjálfun hefst.

• Til að veita upplýsingar og leiðsögn sem tengist framkvæmd þjálfunarinnar.

• Til að svara fyrirspurnum, kvörtunum og öðrum samskiptum.

• Til að viðhalda, tryggja og bæta virkni vefsíðunnar og bókunarkerfisins.

• Til að greina almenna notkun vefsíðunnar, að því marki sem samþykki fyrir valfrjálsum vafrakökum hefur verið veitt.

• Til að gæta lögmætra hagsmuna Partera, meðal annars við að tryggja öryggi, koma í veg fyrir misnotkun og verja félagið gegn réttarkröfum.

• Til að uppfylla skyldur sem hvíla á Partera samkvæmt lögum.
   

Við notum ekki heilsutengdar upplýsingar í markaðslegum tilgangi.
Ef Partera sendir rafrænt markaðsefni fer slík vinnsla aðeins fram á viðeigandi lagagrundvelli, svo sem með samþykki viðtakanda þegar þess er krafist. Hægt er að afturkalla samþykki fyrir markaðssamskiptum hvenær sem er.
 
4. Lagagrundvöllur vinnslu
 Vinnsla persónuupplýsinga hjá Partera byggist á eftirfarandi heimildum, eftir því sem við á:

• Samningur: Vinnsla sem er nauðsynleg til að gera eða efna samning um bókun, kaup eða veitingu þjónustu byggist á b-lið 1. mgr. 6. gr. GDPR.

• Lagaskylda: Vinnsla sem er nauðsynleg til að uppfylla skyldur samkvæmt meðal annars bókhalds- og skattalögum byggist á c-lið 1. mgr. 6. gr. GDPR.

• Lögmætir hagsmunir: Vinnsla sem er nauðsynleg vegna lögmætra hagsmuna Partera, svo sem til að tryggja öryggi húsnæðis og búnaðar, koma í veg fyrir misnotkun aðgangskóða, svara almennum fyrirspurnum, viðhalda vefsíðunni eða gæta réttarhagsmuna, byggist á f-lið 1. mgr. 6. gr. GDPR.

• Samþykki: Vinnsla sem byggist á samþykki, svo sem notkun tiltekinna valfrjálsra vafrakaka eða sending markaðsefnis þegar samþykkis er krafist, byggist á a-lið 1. mgr. 6. gr. GDPR.

• Heilsufarsupplýsingar: Þegar unnið er með heilsutengdar upplýsingar, sem teljast viðkvæmar persónuupplýsingar, byggist vinnslan á skýru samþykki samkvæmt a-lið 2. mgr. 9. gr. GDPR, eftir því sem við á.
   

Þú getur afturkallað samþykki hvenær sem er. Afturköllun hefur ekki áhrif á lögmæti vinnslu sem fór fram áður en samþykkið var afturkallað.
Ef nauðsynlegar upplýsingar vegna bókunar, greiðslu, aðgangs eða öryggis eru ekki veittar kann Partera að vera ókleift að staðfesta bókun eða veita þjónustuna.
 
5. Miðlun til þriðju aðila og vinnsluaðilar
 Partera notar þjónustu valinna þjónustuaðila til að reka vefsíðuna, bókunarkerfið, greiðslumiðlunina, sjálfvirknina, aðgangskerfið og SMS-sendingar.
 
Helstu þjónustuaðilar eru:

• Wix.com: Hýsing vefsíðunnar, bókunarkerfi, viðskiptavinareikningar og varðveisla tengiliða-, kaup- og bókunarupplýsinga.

• Rapyd: Greiðslumiðlun vegna kaupa á tímum, kortum og pökkum.

• Make: Tímabundin sjálfvirk vinnsla nauðsynlegra bókunarupplýsinga til að tengja saman bókun, aðgangskóða og SMS-sendingu. Upplýsingarnar eru aðeins notaðar á meðan sjálfvirkniferlið stendur yfir og þeim er eytt úr gagnageymslu Partera í Make þegar skilaboðin hafa verið send.

• ClickSend: Sending bókunartengdra smáskilaboða, meðal annars tímabundinna aðgangskóða.

• Nuki: Umsjón með tímabundnum og einstaklingsbundnum aðgangskóðum og rafrænum aðgangi að húsnæði Partera.
   

Við sjálfvirka sendingu aðgangskóða eru aðeins þær upplýsingar notaðar sem nauðsynlegar eru til að framkvæma sendinguna, svo sem símanúmer, bókunartími og tímabundinn aðgangskóði. Upplýsingarnar fara tímabundið í gegnum Make og eru fjarlægðar úr gagnageymslu Partera þar þegar skilaboðin hafa verið send. Engin varanleg bókunar- eða heilsufarsgögn eru varðveitt í sjálfvirkniferlinu að sendingu lokinni.
 
Þjónustuaðilar fá aðeins þær upplýsingar sem nauðsynlegar eru til að sinna viðkomandi þjónustu. Upplýsingarnar geta meðal annars verið nafn, símanúmer, bókunartími, bókunarauðkenni og tímabundinn aðgangskóði, eftir því sem við á.
 
Þjónustuaðilar sem vinna persónuupplýsingar fyrir hönd Partera skulu aðeins vinna upplýsingarnar samkvæmt fyrirmælum Partera, gildandi vinnslusamningum og persónuverndarlögum.

Partera kann einnig að miðla upplýsingum þegar það er nauðsynlegt:

• vegna lagaskyldu,

• að kröfu lögbærra stjórnvalda,

• til að stofna, hafa uppi eða verja réttarkröfu,

• vegna endurskoðunar, bókhalds eða annarrar faglegrar þjónustu sem bundin er trúnaði.
   

Partera selur ekki persónuupplýsingar og miðlar þeim ekki til óviðkomandi aðila í markaðslegum tilgangi.
 
Sumir þjónustuaðilar kunna að vinna eða varðveita upplýsingar utan Evrópska efnahagssvæðisins. Þegar slíkur flutningur fer fram skal hann byggjast á gildum flutningsgrundvelli samkvæmt persónuverndarlögum, svo sem ákvörðun um fullnægjandi vernd eða stöðluðum samningsskilmálum framkvæmdastjórnar Evrópusambandsins.

6. Varðveislutími
 Partera varðveitir persónuupplýsingar ekki lengur en nauðsynlegt er miðað við tilgang vinnslunnar, gildandi lög og mögulegar réttarkröfur.
 
Almenn viðmið um varðveislutíma eru eftirfarandi:

• Bókhalds- og greiðsluupplýsingar: Reikningar, greiðsluyfirlit og önnur bókhaldsgögn eru varðveitt eins lengi og bókhaldslög krefjast, almennt í sjö ár frá lokum viðkomandi reikningsárs.

• Bókunar- og þjónustuupplýsingar: Upplýsingar eru varðveittar á meðan viðskiptasamband stendur, meðan kort eða pakki er í gildi og að hæfilegum tíma liðnum frá síðustu bókun, meðal annars til að svara fyrirspurnum og gæta réttarhagsmuna.

• Aðgangskóðar: Kóðar eru tímabundnir og einstaklingsbundnir fyrir hverja bókun. Þeir eru gerðir óvirkir þegar gildistíma þeirra lýkur.

• Tæknilegar aðgangsupplýsingar: Upplýsingar um stofnun, gildistíma og, eftir því sem við á, notkun aðgangskóða eru aðeins varðveittar eins lengi og nauðsynlegt er vegna öryggis, bilanagreiningar og úrlausnar hugsanlegra ágreiningsmála.

• Gögn í sjálfvirkniferlum: Bókunarupplýsingar sem færðar eru tímabundið í gegnum Make vegna sendingar aðgangskóða eru fjarlægðar úr gagnageymslu Partera þegar skilaboðin hafa verið send. Engin varanleg bókunar- eða heilsufarsgögn eru varðveitt þar að sjálfvirkniferlinu loknu.

• Heilsutengdar upplýsingar: Upplýsingar eru varðveittar á meðan þær eru nauðsynlegar vegna öryggis og framkvæmdar þjálfunarinnar og að hæfilegum tíma liðnum frá lokum þjónustusambands. Þeim er eytt eða þær gerðar ópersónugreinanlegar þegar ekki er lengur þörf á þeim, nema lögmæt ástæða sé fyrir áframhaldandi varðveislu.

• Samskipti og fyrirspurnir: Almenn samskipti eru varðveitt eins lengi og nauðsynlegt er til að afgreiða erindið og fylgja því eftir.

• Markaðssamskipti: Upplýsingar eru varðveittar þar til samþykki er afturkallað eða ekki er lengur málefnaleg ástæða til varðveislu.

• Vafrakökur og tæknileg gögn: Varðveislutími fer eftir tegund vafraköku og kemur fram í vafrakökustillingum vefsíðunnar.
   

Þegar varðveislutíma lýkur er upplýsingum eytt eða þær gerðar ópersónugreinanlegar með öruggum hætti.

7. Öryggi persónuupplýsinga
 Partera beitir viðeigandi tæknilegum og skipulagslegum öryggisráðstöfunum til að vernda persónuupplýsingar gegn óheimilum aðgangi, notkun, breytingu, miðlun, tapi eða eyðingu.
 
Meðal öryggisráðstafana eru:

• takmarkaður aðgangur að viðskiptavina- og bókunarkerfum,

• notkun viðurkenndra þjónustuaðila,

• aðgangsstýringar og örugg auðkenning,

• tímabundnir og einstaklingsbundnir aðgangskóðar,

• takmörkun á því magni upplýsinga sem sent er milli kerfa,

• sjálfvirk eyðing tímabundinna bókunargagna úr gagnageymslu Partera í Make þegar SMS-sendingu er lokið,

• regluleg endurskoðun á aðgangi og vinnslu eftir því sem við á.
   

Aðgangur að persónuupplýsingum er aðeins veittur þeim sem þurfa á honum að halda vegna starfa sinna eða þjónustu fyrir Partera og eru bundnir trúnaði eða viðeigandi samningsskyldum.
Komi upp öryggisbrestur vegna persónuupplýsinga bregst Partera við í samræmi við gildandi lög, meðal annars með tilkynningu til Persónuverndar og, eftir því sem við á, viðkomandi einstaklinga þegar þess er krafist.

8. Vafrakökur (cookies)
 Vefsíðan www.partera.is er hýst hjá Wix.com og notar vafrakökur og sambærilega tækni.
Nauðsynlegar vafrakökur eru notaðar til að tryggja grunnvirkni, öryggi og rétta birtingu vefsíðunnar. Aðrar vafrakökur kunna að vera notaðar til að greina umferð og bæta notendaupplifun, að því marki sem notandi hefur veitt samþykki þegar þess er krafist.
Þú getur stjórnað valfrjálsum vafrakökum í vafrakökustillingum vefsíðunnar. Þú getur einnig breytt stillingum í vafranum þínum, en takmörkun eða lokun nauðsynlegra vafrakaka kann að hafa áhrif á virkni vefsíðunnar.
Nánari upplýsingar um tegundir vafrakaka, tilgang þeirra og varðveislutíma koma fram í vafrakökustillingum vefsíðunnar.
 
9. Réttindi þín sem skráðs einstaklings
 Samkvæmt persónuverndarlögum átt þú, eftir því sem skilyrði laganna eru uppfyllt, meðal annars rétt á að:

• fá staðfestingu á því hvort Partera vinnur persónuupplýsingar um þig og fá aðgang að þeim,

• fá rangar eða ófullkomnar upplýsingar leiðréttar,

• óska eftir eyðingu persónuupplýsinga,

• óska eftir takmörkun vinnslu,

• andmæla vinnslu sem byggist á lögmætum hagsmunum,

• fá upplýsingar sem þú hefur sjálf/ur veitt afhentar á skipulegu, algengu og tölvulesanlegu formi þegar réttur til gagnaflutnings á við,

• afturkalla samþykki hvenær sem er þegar vinnsla byggist á samþykki,

• leggja fram kvörtun hjá Persónuvernd ef þú telur að vinnsla persónuupplýsinga brjóti gegn réttindum þínum.
   

Réttindi samkvæmt persónuverndarlögum eru ekki alltaf fortakslaus. Partera getur þurft að varðveita tilteknar upplýsingar vegna lagaskyldu eða lögmætra réttarhagsmuna þótt óskað sé eftir eyðingu.
Til að nýta réttindi þín getur þú sent beiðni á partera@partera.is. Partera kann að óska eftir upplýsingum til að staðfesta auðkenni þess sem leggur fram beiðnina áður en hún er afgreidd.
 
10. Börn
 Þjónusta Partera er að jafnaði ætluð einstaklingum 18 ára og eldri.
Einstaklingur undir 18 ára aldri getur aðeins nýtt þjónustuna með samþykki forráðamanns og að undangengnu mati Partera á því hvort þjálfunin eigi við.
Partera safnar ekki vísvitandi persónuupplýsingum um börn án viðeigandi heimildar eða samþykkis forráðamanns. Verði Partera þess vart að upplýsingum um barn hafi verið safnað án fullnægjandi heimildar verður gripið til viðeigandi ráðstafana.
 
11. Breytingar á þessari stefnu
 Partera kann að uppfæra persónuverndarstefnuna vegna breytinga á starfsemi, þjónustu, upplýsingakerfum, vinnsluaðilum eða lögum og reglum.
Nýjasta útgáfa stefnunnar er ávallt aðgengileg á www.partera.is og dagsetning síðustu uppfærslu kemur fram efst.
Ef gerðar eru verulegar breytingar sem hafa áhrif á hvernig persónuupplýsingar eru unnar verður upplýst um þær með viðeigandi hætti.
 
12. Hafðu samband
 Partera ehf.
Kt. 620921-0250
Suðurgata 41
220 Hafnarfjörður
Netfang: partera@partera.is
Vefsíða: www.partera.is